Markmið og gagnsemi
Tjáskiptaprófíll (e. communication passport) er samantekt á tjáskiptafærni og persónu einstaklings. Hann nýtist best þeim sem eiga erfitt með að tjá sig með tali. Prófíllinn tryggir að mikilvægar upplýsingar fylgi einstaklingnum, sem auðveldar öðrum að skilja hann og styður við samskipti á jafnræðisgrundvelli.
Hvað kemur fram í prófílnum?
Í prófílnum eru upplýsingar sem fólk sem þekkir einstaklinginn best hefur tekið saman. Þar má finna:
- Samskipti: Hvernig á að túlka látbragð og hvernig best er að spjalla við viðkomandi.
- Persónuleika: Áhugamál, bakgrunn og hvað skiptir máli fyrir tengslamyndun.
- Stuðning: Upplýsingar um umönnun, svo sem matmálstíma, lyfjagjöf eða aðrar daglegar þarfir.
Notkun og útlit
Prófíllinn er sérstaklega mikilvægur fyrir nýja umönnunaraðila, starfsfólk og vini. Hann miðlar atriðum sem einstaklingurinn getur ekki tjáð sjálfur en eru nauðsynleg til að tryggja góða þjónustu og öryggi. Með prófílnum er hægt að örva samtöl og gefa einstaklingnum færi á að stýra eigin dagskrá. Útlit getur verið allt frá einni blaðsíðu upp í lítinn bækling, og upplýsingarnar geta verið settar fram með texta eða táknmyndum.
Hvernig nálgast ég tjáskiptaprófíl?
Hægt er að hanna eigin prófíl út frá sniðmátum sem henta þörfum hvers og eins. Hér að neðan eru dæmi og sniðmát sem hægt er að styðjast við:
- Sniðmát fyrir einnar síðu prófíl – Einfalt og fljótlegt yfirlit.
- Fjölbreytt sniðmát fyrir lengri prófíla – Gefur ítarlegri upplýsingar.
- Einföld sniðmát (Easy Read) – Skýrt og aðgengilegt fyrir alla.
- Sýnishorn af prófíl fyrir heilbrigðisþjónustu – Sérsniðið fyrir spítalaheimsóknir eða læknisferðir
Vantar þig ráðgjöf um tæknilausnir og notkun þeirra? Hafðu samband og pantaðu tíma