Windows-tölvur

Aðlagaðar tölvumýs eru hannaðar fyrir fólk sem á erfitt með að nota hefðbundna tölvumús vegna verkja, skertrar fínhreyfingar eða máttleysis í höndum.

Festilyklar er aðgengisstýring sem auðveldar notkun flýtilykla s.s. Ctrl+C til afrita.

Global Symbols er ókeypis leitarvél sem nýtist fólki sem þarf að finna eða útbúa myndrænt tjáskiptaefni.

Kami er forrit sem leyfir raddinnslátt við innfyllingu pdf- og doc-skjala í tölvu eða spjaldtölvu og getur því hjálpað nemendum sem eiga erfitt með handskrift að vinna í verkefnabókum.

Ljóslestur (OCR) breytir prentuðum eða handskrifuðum texta á myndum og skönnuðum skjölum yfir í stafrænan texta.

Myndaþema er fjöltyngd myndaorðabók. Vefurinn sýnir hugtök með myndum, texta og hljóðskrám á mörgum tungumálum, þar á meðal íslensku. Hann getur nýst fólki á öllum aldri við að tileinka sér framburð og orðaforða.

Open Symbols er opin leitarvél sem safnar saman ókeypis myndatáknum á einn stað.

Picto-Selector er ókeypis forrit sem er hannað til að auðvelda gerð og prentun á sjónrænu skipulagi.

Skjályklaborð er hugbúnaður sem birtir lyklaborð beint á tölvuskjánum eða snjalltækinu. Skjályklaborð gefa notendum færi á að skrifa texta, nota flýtiskipanir og vafra um netið með öðrum hjálpartækjum

Wispr Flow er talgreiningarforrit sem styður íslensku. Það breytir töluðu máli í ritaðan texta í rauntíma með hjálp gervigreindar.

Edge-vafrinn býður upp á innbyggðan upplestur á íslensku með röddunum Guðrúnu og Gunnari.