Spjaldtölvur

Ljóslestur (OCR) breytir prentuðum eða handskrifuðum texta á myndum og skönnuðum skjölum yfir í stafrænan texta.

Myndaþema er fjöltyngd myndaorðabók. Vefurinn sýnir hugtök með myndum, texta og hljóðskrám á mörgum tungumálum, þar á meðal íslensku. Hann getur nýst fólki á öllum aldri við að tileinka sér framburð og orðaforða.

Choiceworks er myndrænt forrit (app) sem styður börn við dagskipulag, tímaskilning og tilfinningastjórnun.

Visual Schedule Daily Routine er smáforrit sem nýtir myndir og tákn til að brjóta daglega rútínu niður í sjónræn skref.

SnapType er einfalt hjálpartæki fyrir þá sem eiga erfitt með að skrifa með höndunum, t.d. vegna hreyfihömlunar eða lesblindu.

Spáritun og flýtiorðasöfn gera innslátt í símum og spjaldtölvum auðveldari. SwiftKey og GBoard hafa bestu spáritun þegar skrifað er á íslensku.

Talgervill breytir skrifuðum texta í tal. Hann nýtist öllum sem eiga auðveldara með að meðtaka upplýsingar í gegnum heyrn en lestur, svo sem fólki með lestrarerfiðleika eða sjónskerðingu.

Wispr Flow er talgreiningarforrit sem styður íslensku. Það breytir töluðu máli í ritaðan texta í rauntíma með hjálp gervigreindar.

TD Snap er myndrænt og heildrænt tjáskiptaforrit.

Vigdís er íslenskt smáforrit (app) sem hannað er til að veita sjónrænt og heyrnrænt skipulag fyrir dagleg verkefni.

Voice Dream Reader er öflugt snjallforrit sem breytir texta í tal.

Frítt tjáskiptaforrit sem hægt er að keyra á símum og spjaldtölvum.