Markmið og markhópur: Edge-vafrinn býður upp á innbyggðan upplestur á íslensku með röddunum Guðrúnu og Gunnari. Lausnin nýtist fólki með sjónskerðingu, lesblindu eða annan lestrarvanda og þeim sem læra betur með því að hlusta. Hún virkar jafnt á vefsíðum og PDF-skjölum og er öllum aðgengileg sem nota vafrann, hvort sem er í símum, spjaldtölvum eða borð-/fartölvum.
Svona er upplesturinn ræstur:
- Í gegnum valmynd: Þú getur bæði valið textann sem þú vilt láta lesa upp eða ekki. Smelltu á hægri músarhnapp þannig að valmynd birtist, veldu Fleiri verkfæri og svo Lesa upphátt (sjá mynd). Einnig má nota flýtilykilinn Ctrl + Shift + U. Þá birtist stjórnstika efst á síðunni þar sem hægt er að stoppa og hefja lestur, velja rödd (Guðrún eða Gunnar) og talhraða.
- Flýtihnappar á stiku: Smelltu á þrjá punkta lengst til hægri á vistfangastikunni og veldu Lesa upphátt.
Aðgengilegt lestrarumhverfi: Einnig er mælt með að skoða vefsíður með aðgengilegu lestrarumhverfi til að fá hreinan texta án auglýsinga og truflana:
- Smelltu á þrjá punkta í vistfangastikunni og veldu Aðgengilegt lestrarumhverfi.
- Smelltu á Stillingarhjólið til að breyta leturstærð, leturgerð eða bakgrunnslit til að auðvelda lesturinn.
- Hér getur þú líka ræst upplestur, þýtt síðuna yfir á önnur tungumál eða notað gervigreind til að taka saman og útskýra innihald textans.