Boardmaker er eitt þekktasta og útbreiddasta tól í heimi til að útbúa myndrænar tjáskiptalausnir og sjónrænan stuðning. Markmið hugbúnaðarins er að styðja við fólk með tal- og tjáskiptaskerðingu og auðvelda því nám og tjáningu. Lausnin nýtist sérstaklega vel kennurum, talmeinafræðingum, iðjuþjálfum og aðstandendum sem hanna sérsniðið efni fyrir ólíka notendur.
Hvernig er það notað? Forritið geymir risastóran gagnabanka af svokölluðum PCS-táknmyndum (e. Picture Communication Symbols) sem eru mjög skýrar og myndrænar. Notendur geta leitað að táknum, hannað prentuð tjáskiptaspjöld, skipulagt gagnvirka tölvuleiki eða útbúið stafrænar námsleiðir. Kerfið býður upp á öflugt áfangastjórnunarkerfi þar sem fagaðilar geta fylgst með framförum skjólstæðinga sinna. Tugir þúsunda tákna eru til í kerfinu, og mörg þeirra eru skráð með íslenskum heitum.
Hvernig nálgast maður lausnina? Boardmaker er í dag skýjalausn (Boardmaker 7) sem keyrir bæði sem forrit í tölvum (Windows, Mac) og í Chromebook eða iPad spjaldtölvum. Kerfið er áskriftarlausn þar sem hægt er að velja um einstaklings- eða stofnanaáskriftir. Boðið er upp á ókeypis reynslutíma á vefsíðu Boardmaker. Umboðsaðili Boardmaker hér á landi er Öryggismiðstöð Íslands.
