Að nýta tæknina við lestur og ritun - aðgengileg í flestum vöfrum og tækjum

Dagsetning 9. apríl klukkan 14:00 - 16:00

Námskeiðið er fyrir alla þá sem vilja nýta sér og/eða kynna sér möguleika tækni í lestri og ritun.

Markhópur námskeiðsins: Kennarar og annað fagfólk, fólk með lesblindu, foreldrar og allir aðrir áhugasamir.

Námskeiðsþættir: 

• Skoðum vefinn Málstaður og þá sérstaklega talgreininn Hreim sem umskrifar talað mál á skrifað form með réttum greinarmerkjum og sniðmáti. Þetta er nýr möguleiki í raddinnslætti á íslensku. Skoðum líka Málfríði sem notar gervigreind til að greina og lagfæra atriði í stafsetningu, málfræði og stíl.

• Aðgengisval í Microsoft 365. Upplestur með talgervla-röddunum Guðrúnu og Gunnari. Skoðum möguleikana í Word í tölvu og appinu Word í iPad.
  
  
• Aðgengilegt lestrarumhverfi/Immersive Reader sem er Microsoft verkfæri í Word, Edge vafranum og í viðbótinni Helperbird sem er aðgeng
  ileg í öllum vöfrum.
  
  
• Aðgengistillingar í stýrikerfum.
  
  
• Skoðum ýmsar gagnlegar viðbætur í vöfrum.
  
  
• ChatGPT til að leiðrétta texta og til að einfalda texta.
  
  
• iPad gagnlegar stillingar.
  
  
• Ritvinnsluforritin Pages og Word í iPad og hvernig má taka upp tal og fá texta lesinn upp með talgervli.
  
  
• Talgervlaraddir í Android stýrikerfinu.
  
  
• Skoðum hvernig má fá texta skannaðan inn og upplesinn á íslensku í iPad og snjallsímum.
  
  

Kennari Sigrún Jóhannsdóttir talmeinafræðingur og framkvæmdastjóri TMF 

 Námskeiðið er í fyrirlestrarformi. Þátttakendur geta tekið með sér búnað og fylgt kennara. Bent er á að ekki vinnst tími til að veita tækniaðstoð á staðnum.

Minnum á að hægt er að sækja um endurgreiðslu til stéttarfélaga vegna námskeiða hjá TMF.